|
A disfunción temporomandibular
Consellos
xerais no manexo da disfunción témporomandibular
A
intención desta información é a de ofrecerlle
unha serie de consellos
xerais que nos axudarán no tratamento da súa
patoloxía. Léao atentamente, pois a melloría
da súa sintomatoloxía depende en gran parte
da súa colaboración.
É
moi importante favorecer o repouso, tanto da articulación
témporomandibular, como das estructuras asociadas (músculos,
columna cervical, etc.) e do organismo en xeral.
A.
Repouso Local
- Evite
abrir moito a boca: non morda nin parta os alimentos
cos dentes (bocadillos, mazás...). Debe partir os
alimentos en anacos pequenos.
 Controle
o bostezo coa man ou ben baixando o queixo ó peito;
evite citas longas co dentista, as exploracións faringo-laringolóxicas,
intubacións para anestesia... e en xeral tódalas
maniobras que requiran ter a boca aberta moito tempo de
maneira forzada.
- Non
aprete nin rechine os dentes. Relaxe a súa mandíbula,
mantendo os beizos xuntos e os dentes separados.
- Intente,
no posible, falar pouco.
- Elimine
hábitos como morderse as unllas, mordisquearse
o beizo ou a meixela, morder bolígrafos u outros
obxetos...
- Non
coma chicles, caramelos masticables, froitos secos, verduras
crudas nin calquera alimento que precise unha masticación
prolongada.
- Leve
unha dieta semiblanda: pasta, verdura cocida, ovos,
sopas e cremas...
- Utilización
de frío e calor:
- Frío
en lesións recentes e agudizacións de
lesións previas
- Calor
húmido (panos mornos) en lesións crónicas.
B.
Repouso Xeral
- Adopte
unha postura correcta durante o día: espalda
erguida, ombreiros cara atrás.
- Evite
suxeitar o teléfono co ombreiro ou utilice os dispositivos
axeitados para iso.
- É
aconsellable realizar algún exercicio físico
suave que manteña o tono muscular xeral. O ideal
é a natación, sobre todo os estilos de espalda
e braza. Non son en cambio aconsellables as disciplinas
deportivas bruscas que sobrecarguen a espalda, como o aerobic,
etc. É conveniente que o exercicio físico
teña concluido 4 ou 6 horas antes de durmir.
- Mellore
a cantidade e calidade do sono
- Non
tome café, refrescos de cola ou alcohol antes
de ir durmir. Ainda que o alcohol poida inducir ó
sono ó comezo da noite, tende a fragmentalo durante
a segunda metade da noite.
- Interrumpa
o consumo de tabaco. Se isto lle resulta demasiado difícil,
intente alomenos non fumar a partires das 7h do serán.
- Non
coma ou beba grandes cantidades durante as 3 horas previas
a deitarse. Non obstante, a inxesta dunha pequena cantidade
de comida á hora de deitarse pode ser útil.
- Manteña
o seu durmitorio escuro, tranquilo, ben ventilado, e
cunha temperatura ambiental confortable ó longo
da noite.
- Evite,
na medida do posible, lugares para durmir que sexan
pouco familiares.
- O
colchón non debe ser nin demasiado brando nin
demasiado duro. A almofada debe ter a altura e contextura
correcta.
- Evite
durmir a sesta sempre que teña dificultades para
conciliar ou manter o sono.
- Non
se deite na cama máis tempo do estrictamente
necesario para durmir. Recorde que un exceso de tempo
na cama pode diminuir a calidade do sono en noites sucesivas.
- Estableza
un ritual para deitarse. Ler antes de apagar a luz pode
ser útil, sempre e cando a lectura sexa lixeira
e non esté relacionada co traballo.
- A
inxesta de hipnóticos non é problema,
sempre que sexa ocasional.
- Pode
ser ventaxoso tomar un baño de auga quente de
30 minutos unhas dúas horas antes de deitarse,
de tal maneira que a súa temperatura corporal
se eleve en aproximadamente 2 graos centígrados.
Similarmente, unha bebida quente pode axudarlle a relaxarse
xa que contribúe a aumentar lixeiramente a temperatura
corporal.
- Se
pola noite ten preocupacións, escriba nun papel
a lista de problemas, así como unha frase contendo
as primeiras medidas a tomar durante o día seguinte.
- Se
esperta pola noite, non mire a hora nin fume co fin
de relaxarse.
- Se
non consegue durmir, non insista. No seu lugar, concéntrese
en pensamentos relaxantes e placenteiros.
- Levántese
da cama tódolos días da semán á
mesma hora.
|
