|
¿Qué
son os implantes inmediatos?
Son
implantes que se colocan inmediatamente despois de facer unha
ou varias extraccións dentarias, pero isto non quere
dicir que se coloquen os implantes e os dentes ó mesmo
tempo. Cando hai un problema nun dente que obriga a súa
extracción, por exemplo unha fractura da súa
raíz pódese planificar o colocar o implante
inmediatamente despois da extracción sen esperar a
que cicatrice a ferida. Esto ten a ventaxa de que se gaña
tempo pero non se pode facer se o dente está infectado.
Se isto ocurrira primeiro hai que extraer o dente, liberar
correctamente o proceso infeccioso, suturar, dar o  tratamento
oportuno e esperar arredor dun mes. Ó cabo deste tempo
pódese xa colocar o implante (neste caso chamámoslle
implante diferido).
De
calquera maneira, unha vez colocado o implante hai que esperar
a que este se "integre" ó óso
antes de colocar o dente ou os dentes enriba. O tempo de espera
entre a colocación do implante e a prótese oscila
entre 2 e 4 meses dependendo de se é maxilar inferior
ou superior, no superior a espera é maior porque a
calidade do óso soe ser peor. Hoxe en día a
tendencia é a reducir estes tempos de espera. En moitos
casos xa estamos colocando os implantes e mailos dentes fixos
no mesmo día ou no día seguinte (ver implantes
de dentes no día).
Durante
o tempo de espera pódese colocar unha
prótese provisional (xeralmente removible sobre
todo para solucionar zonas de estética) para que o
doente estea o menor tempo posible sen dentes.
Quero
insistir na importancia de individualizar cada caso, cada
persoa é un mundo e incluso dentro da mesma boca é
frecuente que haxa uns lugares máis problemáticos
que outros. O especialista debe ser capaz de facer un diagnóstico
previo, claro e preciso para poder obrar en consecuencia e
aplicar os protocolos establecidos coas garantías necesarias.
Na
actualidade estamos moi satisfeitos cos resultados deste tratamento
polo propio benestar que alcanzan os doentes. A persoa que
vai a ser portadora destes aditamentos debe ser "doente"
e colaborar estreitamente en tódalas probas protéticas
previas á colocación definitiva dos seus dentes.
|
