|
Importancia
do mantemento
Unha
vez que o doente superou tódalas visitas con tódalas
probas de rigor e por fin xa ten os seus dentes novos na boca
é necesario a partir de agora facer un seguimento das
súas próteses sobre implantes.
Temos
que pensar que o feito de masticar implica unha serie de movementos
da mandíbula sobre o maxilar superior, nestes movementos
interveñen moitos músculos da cara, algún
dos cales poden facer unha forza tremenda á hora de
masticar, ademáis a mandíbula non só ten movementos
de apertura e peche senón tamén de lateralidade
e cincunducción. Os dentes naturais están dotados
duns mecanismos de defensa contra eses traumas que sofren
a diario; entre eles un dos máis importantes é
o
ligamento periodontal, unha estructura que rodea ás
raíces no interior do óso e actúa a modo
de colchón amortiguador contra o trauma masticatorio.
Tamén existen uns receptores de presión que
nos avisan cando debemos deixar de apretar.
 As
pezas dentarias que están apoiadas sobre implantes
non dispoñen de este ligamento nin deses receptores
de presión, senón que o implante ten unha unión
íntima ó óso non permitindo ningunha
flexibilidade, é pois fundamental controlar que a unión
entre dentes e implantes sexa pasiva para non someter a éstos
a cargas extras. Por outro lado é imprescindible axustar
correctamente a oclusión. Á hora de morder debe
de haber un perfecto equilibrio entre os dentes de maxilar
superior e inferior, tendo en conta os movementos de lateralidade
e de protrusiva, para que os implantes non se vexan forzados
en determinados movementos da boca. estes controis hai que
facelos o mesmo día e nos seguintes días á
colocación das pezas definitivas.
A
medio prazo hai que vixiar a acumulación de placa e
sarro. Non debemos olvidar que no adulto a primeira causa
de perda de dentes é a enfermidade
periodontal (piorrea), e a evolución de esta enfermidade
está ligada á presencia de placa e sarro nos
dentes das persoas predispostas. Pois ben moitas persoas ás
que se lle colocan implantes é porque perderon dentes
por "piorrea". Agora os seus novos dentes
emerxen da enxiva a través dos pilares, e nestes pódese
acumular igual placa e sarro, por iso é necesario controlar
e limpar periódicamente estes acumulos nocivos para
as enxivas e por ende para os implantes que están dentro
do óso.
A
anatomía das pezas sustituidas por medio de implantes
non é exactamente igual ás naturais, en xeral
hai máis recovecos cos implantes co cal hai que extremar
a hixiene e utilizar os aditamentos especiais que existen
para a súa limpeza. Dende logo unha persona que abandoara
a súa hixiene bucal durante toda a súa vida
e perdera as súas pezas por este motivo senón
se
mentaliza para cambiar os seus hábitos, pode non ser
candidato a rehabilitar a súa boca con implantes.
En
moitas ocasións, sobre todo en casos de grandes rehabilitacións,
é necesario colocar una férula entre
os dentes para relaxar a musculatura da cara e evitar grandes
tensións nos implantes.
É
evidente que os dentes sustituidos por medio de implantes
non se van estropear por caries, pero non olvidemos que hai
que extremar o coidado cunha boa hixiene dental.
|
