O noso compromiso é ofrecerlle unha odontoloxía de alta calidade a través dunha relación de confianza. Para iso debemos partir dunha boa información previa e non darlle falsas expectativas.

Unha vez que vostede chega á consulta, pasaráselle un breve cuestionario con datos de filiación e antecedentes para descartar posibles enfermidades ou alerxias.

Nos gabinetes, os doutores faranlle un exame oral minucioso dos dentes, enxivas e resto de partes brandas da cavidade oral. Tomarase unha radiografía panorámica e as periapicais necesarias para o diagnóstico e a planificación do tratamento.

Esto apórtanos uns datos básicos e imprescindibles para poder realizar un orzamento o máis axustado posible.

Nos casos onde se detecte unha enfermidade periodontal (piorrea), en rehabilitacións complexas con ou sen implantes, en ortodoncias ou en traballos de alta estética, é obligatorio un estudio específico previo para poder enfocar o tratamento coas mellores garantías de éxito.

En función dos datos obtidos cos estudios dos casos anteriores emitirase sempre un orzamento (con diferentes alternativas se procede) que o doente ou titor deberá asinar se é aceptado.

Asimesmo firmarase un consentimento informado ante determinados tratamentos.

Se durante o tratamento xurde algunha incidencia que nos obligue a cambiar o plan director en beneficio do resultado final informaráselle oportunamente.

Pretendemos acercarnos á excelencia, e para iso temos controis de calidade internos e externos:

• Os internos atañen o noso bo facer profesional: control de esterilización, uso do instrumental axeitado, materiais excelentes, técnicas contrastadas, en definitiva, o que vostede non pode avaliar.
• Os externos, o que vostede pode analizar obxetivamente: trato, tempos de espera, hixiene, confort no tratamento, etc.

Enlaces relacionados:

Pídanos cita a través da web ou por teléfono.

Arriba