CLÍNICA PARDIÑAS BLOG

Lucas Pérez recibe o premio Fundación Clínica Pardiñas

Lucas Pérez recibiu o Premio Fundación Clínica Pardiñas en recoñecemento á súa boa tempada no Deportivo da CoruñaMáis de 80 persoas e diversos medios déronse cita onte nas instalacións de Fundación Clínica Pardiñas, onde se entregou ao futbolista Lucas Pérez o premio a mellor xogador do Deportivo da Coruña na pasada tempada.

O dianteiro coruñés foi merecedor deste recoñecemento tras ser o xogador que máis votos recibiu polos usuarios do foro Riazor.org. O galardón foi entregado de mans do Doutor Simón Pardiñas López, director da Fundación Clínica Pardiñas.

Lucas Pérez non acudiu só ao evento senón que o fixo acompañado de boa parte da súa familia, tal e como deixou constancia na súa conta oficial de Twitter.

Twitter Lucas Pérez

Os xornalistas asistentes aproveitaron a entrega de premio para facer algunhas preguntas ao futbolista acerca da pasada tempada e para coñecer as súas impresións sobre o curso futbolístico que vai camiño de empezar.

Pola súa banda, os afeccionados alí presentes non quixeron perder a oportunidade de saudar persoalmente ao seu ídolo e de facerse algunhas fotos con el. Ademais entre todos os asistentes realizouse un sorteo de material do Deportivo da Coruña.

A Fundación Clínica Pardiñas naceu coa idea de levar a odontoloxía aos sectores máis desfavorecidos da sociedade galega. Patrocinando este premio, a Fundación busca dar unha maior difusión á súa actividade solidaria tratando de facela chegar ao maior número de interesados.

Máis de 80 persoas e diversos medios déronse cita onte nas instalacións de Fundación Clínica Pardiñas, onde se entregou ao futbolista Lucas Pérez o premio a mellor xogador do Deportivo da Coruña na pasada tempada.

Comunicación de la Clínica

Comunicación de la Clínica