Un dos nosos obxectivos é ofrecer aos nosos pacientes os últimos avances en tratamentos. Con iso conseguimos non só un maior confort e satisfacción do paciente, senón tamén lograr a excelencia nos nosos tratamentos. Destaca desde 1989 o uso pioneiro de implantes dentais en Galicia e técnicas de rexeneración ósea. De recente incorporación é o diagnóstico craneofacial en 3D que nos permite realizar unha análise exhaustiva de todos os tecidos.
A tecnoloxía non parou de evolucionar, e a Clínica sempre se mantivo á vangarda en favor do paciente.

Na nosa canle de YouTube con vídeos de tratamentos en 3D poderá visualizar dunha maneira sinxela e clara cómo é o proceso de máis de 50 tratamentos dentais comúns.

• CBCT

  • Serve para realizar un escáner en 3D completo dos maxilares, de gran utilidade en estudos de implantes, ortodoncia ou moas do xuízo entre outros.

• Radiovisiografía

  • É o noso sistema de radiografías dixitalizadas. Unha vez realizada a radiografía, visualízase de inmediato en pantalla podendo ampliala ou contrastar a imaxe, segundo as necesidades de cada caso.

• Sistema informatizado

  • As fichas do paciente con todos os seus datos clínicos están introducidos nun programa de computador conectado en rede entre todos os gabinetes, os despachos e a recepción. Isto garante que dispoñamos en todo momento da máxima información sobre os nosos pacientes coa máxima seguridade e confidencialidade. Cumprimos a Lei de Protección de Datos.

• Cámara intraoral

  • Con ela podemos ensinarlle a súa boca polos sitios máis escondidos. Poderá visualizar dunha forma clara carie, lesións nos tecidos brandos e calquera patoloxía superficial.

• Láser

  • Os distintos tipos de láseres axúdannos en moitos tratamentos orais, desde cirurxías da boca, pasando por empastes, endodoncias, etc. realizando os tratamentos máis limpos e indoloros.

• Centrífugas

  • Con elas obtemos os factores de crecemento para a rexeneración ósea co sangue do propio paciente dunha maneira moi sinxela e rápida (PRGF).

• Lentes de realidade virtual

  • Queremos estar sempre á vangarda en tecnoloxía para comodidade do paciente. Por iso poñemos á súa disposición unhas lentes de realidade virtual nas cales poderá gozar das súas películas, series ou videoclips preferidos durante o seu tratamento dental. Basta con conectar ás lentes o seu dispositivo móbil no que vostede teña a película ou o programa elixido para comezar a visualizalo.

• Impresións dixitais

  • Introducimos unha nova forma de toma de impresión sen ningún tipo de material que realiza este traballo de forma dixital e ao instante. Trátase dunha forma máis precisa, eficiente e de alta calidade que evita a necesidade de citas adicionais e o desagradable sabor para o tratamento con resultados clínicos de alta calidade. Este escáner permite ao dentista crear unha impresión dixital 3D final baseada en datos reais no momento no que se realiza a impresión. Ademais, tanto o especialista como o paciente poden ver o resultado en directo. Con este novo aparello, a Clínica Médico Dental Pardiñas aumenta a comodidade dos seus pacientes evitando falsos resultados por alteración do material e permitindo aos especialistas e laboratorios realizar o seu traballo da forma máis rápida.

• Detector de lesións orais

  • A nosa clínica é o primeiro centro en Galicia que conta cun dispositivo innovador que axuda aos profesionais dentais a detectar posibles lesións canceríxenas na boca, lingua, beizos e garganta. Debido a que os signos e síntomas de cancro oral a miúdo non poden ser detectados a primeira ollada, este dipositivo permítenos facer precisamente iso, identificar os cambios na boca que poden ser un signo de algo máis grave. Esta análise coa tecnoloxía Identafi é totalmente indoloro e realízase en escasos minutos para comprobar se existe calquera problema que poida afectar á saúde oral.

• Deseño dixital do sorriso

  • Na Clínica Médico Dental Pardiñas usamos a última tecnoloxía para simular, deseñar, planificar e presentar os tratamentos estéticos. Con este novo sistema podemos explicarlle e ver en tempo real unha simulación do seu tratamento, visualizando claramente o antes e o despois programado. Podemos simular un recorte enxiva, realizar enxertos, perfeccionar bordos incisais, reconstruír e substituír dentes, definir superficies dentais e tons a branquear. Así mesmo esta ferramenta permítenos debuxar, colocar implantes, coroas, óso, membrana etc. Tamén podemos compartir todas as simulacións co paciente mediante correo electrónico.