Actualidade

Os dentes do bebé, os definitivos e a dentición

O día en que a un bebé aparécelle o primeiro dente na enxiva é memorable. É tamén o preludio da aparición de toda a dentadura, que terá a función de rachar e machucar os alimentos para que poidan ser tragados e dixeridos. Pero ¿cando saen os primeiros dentes? ¿E cando saen os definitivos? Neste artigo falamos sobre o proceso da dentición.



¿Qué son os dentes e qué partes teñen?

Os dentes son estruturas duras que están implantados nas arcadas dentarias dos maxilares. Cada peza dentaria ten dúas partes: a coroa que é a porción visible na boca, e a raíz que é a parte emprazada no óso dos maxilares. As raíces das pezas dentarias son máis longas que a coroa. Os dentes de diante adoitan ter unha raíz e as moas adoitan ter dúas ou tres raíces. Os premolares teñen unha raíz excepto o primeiro premolar superior que ten dous.



O elemento da estrutura do dente de maior importancia é a dentina que está composta dun material parecido ao óso. A dentina contén células vivas no seu interior, e é un tecido sensible que transmite a sensación de dor cando se lle estimula por medios térmicos ou químicos. A dentina da coroa está recuberta por unha capa protectora de esmalte que é un tecido insensible e extraordinariamente resistente. 



 

A raíz permite que a peza quede completamente ancorada no óso (alveolo) e está recuberta por unha capa de “cemento” que é unha substancia similar á dentina. O centro da peza ten forma dunha cámara oca en cuxo interior existe un tecido sensible de tipo conectivo coñecido como pulpa dentaria. Esta esténdese desde o interior da coroa cara ao final da raíz, onde se conecta coa zona máis profunda do alveolo dentario no maxilar. A través desta conexión fan o seu percorrido diminutos vasos sanguíneos e nervios cara á pulpa.

 

¿Qué é a dentición e cándo sucede?

A dentición é o proceso polo cal os dentes se abren paso a través das enxivas ata facerse visibles na boca. Ao longo da vida, o ser humano pasa en dúas ocasións por este proceso: a erupción os dentes de leite e a dos dentes definitivos. Os dentes de leite, ou dentes decíduos, son os que aparecen durante a infancia e que seperden por regra xeral. Estes divídense en incisivos, caninos e molares, e suman un total de 20 pezas. Esta é a súa cronoloxía:

 

Cronoloxía dos primeiros dentes:

6-12 meses, incisivos.

18-24 meses, caninos.

12-18 meses, primeiro molar.

24-30 meses, segundo molar.


 

A dentición permanente é a que substituirá e ampliará á de leite. Estas pezas clasifícanse de igual modo que as do bebé pero hai unha categoría adicional denominada premolares, que son unhas pezas situadas entre os caninos e molares. En total son trinta e dous dentes, incluíndo as moas do xuízo.

 

Cronoloxía dos dentes definitivos: 

6-7 anos, primeiro molar.

7-9 anos, incisivos.

9-12 anos, canino.

10-12 anos, premolares.

11-13 anos, segundo molar.

17 anos en ó máis, moa do xuízo.



 

Os incisivos caracterízanse por unha forma estreita aplanada, como a folla cortante dun coitelo, de feito son os que cortan os alimentos, os caninos rachan e os premolares e molares os trituran. Coñecer e entender a cronoloxía e función dos nosos dentes fai evidente a importancia que teñen no noso desenvolvemento. Por iso é fundamental coidar.

Compártao

Moitas enfermidades comúns empezan na boca

Infartos, diabetes, artrites, demencia, cancro… e outras enfermidades comúns poden ter a súa orixe na boca. Aquí explicámosvos esta relación.

Ler máis

Remedios caseiros para dez problemas bucais frecuentes

Estes remedios caseiros poden axudar a facer máis levadíos os síntomas dalgúns dos problemas bucais máis frecuentes. Toma nota!

Ler máis

As consecuencias do consumo de drogas na saúde oral

As drogas son prexudiciais para a saúde xeral, pero poden afectar especialmente á boca. Estas son as principais consecuencias das drogas na saúde oral.

Ler máis
Síganos

Na nosa canle de Youtube, a canle de odontoloxía máis grande a nivel mundial, atopará numerosos vídeos en 3D con explicacións detalladas de máis de 80 tratamentos distintos e subtitulados en 15 idiomas diferentes, ademáis de información sobre procedementos, enfermidades e curiosidades dentais.

Logo Dentalk

Proxecto da Clínica Médico Dental Pardiñas onde resolvemos dudas e preguntas máis frecuentes sobre temas de saúde bucodental