En Clínica Pardiñas acabamos de obter a renovación dos certificados de calidade ISO e AENOR, dous esixentes estándares de calidade que corroboran o alto nivel da nosa clínica médico dental en todos os seus procesos. Foi no ano 2003 cando obtivemos este recoñecemento por primeira vez, e desde entón levamos 15 anos ininterrompidos cumprindo con estes requisitos.
A acreditación de AENOR e a ISO 9001-2008 son dous dos estándares de calidade máis esixentes do mundo, xa que requiren dun proceso de auditoría tanto interna como externa que pode estenderse ao longo de varios meses. Todas e cada unha das esixencias relativas a estas probas teñen como obxectivo mellorar a satisfacción do paciente, xa sexa mediante unha mellora dos servizos, das instalacións ou de calquera outro proceso relacionado.
Precisamente, a nosa ilusión por satisfacer aos nosos pacientes é a que nos leva a querer mellorar cada día, e obter a renovación destes certificados é unha boa mostra diso. Seguiremos traballando porque así sexa.
