CLEVELAND, Ohio, EE.UU.: Segundo un novo estudo de EE.UU., os factores psicosociais maternos son importantes predictores das caries en idade adolescente. Nunha una enquisa a máis de 200 nenos, os investigadores atoparon que a saúde emocional e o nivel educativo das nais durante as idades tempranas dos seus fillos poden influir na súa saúde oral aos 14 anos de idade de maneira significativa.A dinámica familiar pode afectar á saúde oral dos nenos.
Os investigadores da Case Western Reserve University School of Dentistry levaron a cabo un estudo de cohortes retrospectivo en 224 participantes adolescentes mediante a recopilación de información médica e sanitaria dos nenos e das súas nais co fin de evaluar o benestar dos nenos a idades de 3, 8 e 14. Analizaron o número de dentes cariados, dentes permanentes ausentes ou restaurados, e mediuse a prevalencia da placa dental.
As nais dos nenos completaron un cuestionario acerca dos tratamentos preventivos, consumo de alimentos e a frecuencia das visitas ao dentista. Os datos revelaron que, mesmo con tratamentos accesibles con seguro dental, tratamentos con fluor e seladores a unha idade temperá, as caries non sempre se puideron previr a idade de 14 anos, dixo Suchitra Nelson, profesor da escola.
Os investigadores atoparon que as nais con estudos superiores, estados emocionais saudables e coñecementos avanzados sobre a dieta axeitada que han de levar os seus fillos, tiveron nenos con dentes sans. O aumento do estrés e a menor capacidade de facer fronte a situación cando o neno tiña 3 anos, relacionáronse co aumento tanto de visitas ao dentista coma de problemas de conduta durante a adolescencia. Non obstante, un maior apoio social á mesma idade relacionouse directamente cunha menor taxa de dentes perdidos, cariados ou restaurados en idades adolescentes.
O estudo será publicado na edición de setembro da revista Journal of Dental Research.
Dental Tribune Internacional
